Набываюць моц нормы аб чыпаваньні. Аднак чыпаваньне зьяўляецца правам для ўладальнікаў жывёлаў, за выключэньнем выпадкаў, калі іх уладальнікамі выступаюць заводчыкі або гадавальнікі, якія абавязаны чыпаваць жывёлаў да іх рэалізацыі.
У мэтах барацьбы з бадзяжнымі жывёламі ўладальнікі будуць абавязаныя прымаць меры для недапушчэньня зьяўленьня непажаданага прыплоду. Уладальнікі жывёлаў будуць абавязаныя прыбіраць пасьля сабак падчас выгулу.
Уладальнікі жывёлаў ня змогуць прыводзіць або прыносіць жывёлаў-кампаньёнаў (за выключэньнем сабак-павадыроў) у гандлёвыя аб’екты, у якіх ажыцьцяўляецца раздробны гандаль харчовымі таварамі, а таксама ў аб’екты грамадзкага харчаваньня.
Напрыклад, у Польшчы менавіта гаспадар рэстарану ці кавярні вырашае, дазволіць у сваім рэстаране знаходзіцца сабаку або не. Афіцыйных правілаў, якія б забаранялі сабакам уваходзіць у рэстаран, кавярню або бар, няма. Падобных забаронаў няма ў Латвіі і Літве.
Напрыклад, у Нямеччыне сабак нельга браць з сабой у цэрквы, школы, дзіцячыя сады, кінатэатры, канцэртныя залі, музэі і харчовыя крамы. У рэстаранах, унівэрмагах, цырульнях і парках адпачынку, дзе няма спэцыяльных забараняльных таблічак, з прыводам жывёлаў ня будзе праблемы.
Форум