Беларускія шахматысты да 2026 году змогуць выступаць пад сьцягам міжнароднай фэдэрацыі

ФІДЭ дазволіла прадстаўнікам Беларусі і Расеі выступаць пад сьцягам арганізацыі да 1 студзеня 2026 году.

«Рада ФІДЭ ўхваліла працяг выступаў расейскіх і беларускіх гульцоў пад сьцягам арганізацыі. Згодна з гэтым рашэньнем расейскім і беларускім гульцам, якія цяпер выступаюць пад сьцягам ФІДЭ, дазволена працягваць выступы пад ім да 1 студзеня 2026 году», — гаворыцца ў заяве.

У верасьні на Генасамблеі арганізацыі разглядалі пытаньне вяртаньня Беларусі і Расеі ў спаборніцтвы пад дзяржаўнымі сьцягамі. Тады дэлегаты не падтрымалі прапановы поўнага вяртаньня — за гэта прагаласавалі прадстаўнікі толькі 21 краіны.

ГЛЯДЗІЦЕ ТАКСАМА:

FIDE дыскваліфікавала расейскага гросмайстра Сяргея Каракіна за падтрымку вайны ва Ўкраіне

ГЛЯДЗІЦЕ ТАКСАМА:

Экс-кіраўніца фэдэрацыі шахмат, якую замянілі сілавіком: «Спачатку нэгатыў быў на мяне, а цяпер і празь дзяцей дзейнічаюць». ВІДЭА