«Сябры, хочам паведаміць вам, што ўсімі любімы праект „Вершы“ прыйшоў да свайго лягічнага завяршэньня. Было ўкладзена шмат сіл, энэргіі, любові. Колькі ж усяго за гэты час адбылося: нерэальна вялікая колькасьць музычных вечароў, цудоўныя і займальныя арт-сторы, сотні гадзін прагледжаных фільмаў, цікавыя лекцыі і па-сапраўднаму крутыя майстар-клясы», — напісана ў апошнім пасьце праекту ў Instagram.
У ім каманда дзякуе ўсім, хто наведваў культурную прастору і бар.
Аб прычынах закрыцьця каманда не паведаміла, паабяцаўшы «расказаць усе падрабязнасьці пазьней» і адзначыўшы, што разьвітальная вечарына пройдзе ўжо «недзе ў іншым месцы», якім — пакуль невядома.
Праект «Вершы» адкрыўся на Кастрычніцкай, 19 вясной 2021 году на месцы галерэі сучаснага мастацтва «Ў», якая вымушана закрылася ў кастрычніку 2020 году.
