Гэта намеснік камандуючага 8-ай арміі генэрал-маёр Уладзімір Фралоў. Паведамляецца, што ён загінуў «падчас спэцыяльнай ваеннай апэрацыі ва Ўкраіне».
Гэта другі генэрал Узброеных сілаў РФ, гібель якога афіцыйна прызнаная расейскімі ўладамі. Украінскія ўлады паведамілі пра гібель яшчэ пяцёх генэралаў расейскага войска (зь якіх двое — генэрал-лейтэнанты), а таксама аднаго генэрала чачэнскай Нацыянальнай гвардыі.
