СОНЕЧНА...
...і цёпла. Тэмпэратура: 11 — 23 С.
НЕ ПРАХОДЗЬЦЕ МІМА:
Джаз-гурт "Apple Tea" выступае ў паб-клюбе "Графіці".
У Нацыянальным гістарычным музэі Рэспублікі Беларусь працягваецца выстава "Беларусь 16-18 стагодзьдзяў у партрэце і геральдыцы".
ТАМ ДЗЕ НАС НЯМА:
У Лёндане называюць імя пісьменьніцы, якая ў гэтым годзе атрымала прэстыжную Аранжавую прэмію (Orange Prize). Аранжавая прэмія прызнаецца штогод за раман, напісаны жанчынай на ангельскай мове і выдадзены ў Аб’яднаным каралестве Вялікабрытаніі і Паўночнай Ірляндыі ў папярэднім годзе.
У Вашынгтоне прэзыдэнт ЗША Барак Абама сустракаецца з прэзыдэнтам Палестынскай аўтаноміі Махмудам Абасам.
У Бухарэст зь візытам прыбывае старшыня Эўрапарлямэнту Ежы Бузэк.
Зь візытам у Сірыю і Ліван выбіраецца міністар замежных справаў Беларусі Сяргей Мартынаў.
У Ёкагаме кіраўнікі канцэрну Nissan прэзэнтуюць новую мадэль аўтамабіля.
ТАКСАМА Ў ГЭТЫ ДЗЕНЬ:
У 1870 памёр знакаміты ангельскі пісьменьнік Чарлз Дыкенс (нар. 1812).
У 1935 у СССР быў прыняты закон, які караў расстрэлам за ўцёкі за мяжу.
ЁСЬЦЬ НАГОДА:
Міжнародны дзень сяброў.
МІНУС 365:
Год таму на сайце Свабоды: "Прычыны і наступствы малочнай вайны".
ЦЫТАТЫ НА ПАМЯЦЬ:
"Ёсьць кніжкі, у якіх вокладкі і сьпінка зьяўляюцца нашмат лепшымі месцамі за ўсе іншыя", — Чарлз Дыкенс.
