8 сьнежня скончылася кіраваньне рэжыму Асадаў у Сырыі. Бацька, а затым сын былі пры ўладзе 54 гады, з 1970 году. За гэты час у краіне шмат людзей загінула ад рэпрэсій і вайны, праціўнікі рэжыму апыналіся і ў турме.
Падзеньне рэжыму Асада ў Сырыі ў фатаздымках
Разарваны плякат з выявай Башара Асада
Людзі выносяць рэчы з іранскай амбасады ў Дамаску
Турэцкія прыхільнікі паўстанцаў сьвяткуюць перамогу над рэжымам Асада ў Сырыі
Паўстанец страляе ў паветра, сьвяткуючы з жыхарамі Хомсу падзеньне рэжыму Асада
Горад Камішлі. Мужчына фатаграфуецца на фоне зьнесенай статуі Базэля Асада, брата Башара. Статую зьнесьлі пасьля паступленьня інфармацыі пра ўзяцьце паўстанцамі Дамаску
Сьвяткаваньні ў лібанскім Трыпалі
Сьвяткаваньне паўстанцаў на вуліцах сырыйскіх гарадоў
Людзі з кветкамі сустракаюць паўстанцаў на плошчы Умаяд у Дамаску
Людзі ўскараскаліся на баявую тэхніку са сьцягам паўстанцаў і адзначаюць перамогу
Разьбітае шкло на кінутым пад ногі партрэце Башара Асада ў будынку Арганізацыі палітычнай бясьпекі. Прадмесьці Хамы
Абстраляная выява Башара Асада на паліцэйскім пастарунку ў Хаме
Сырыйскі апазыцыянэр зьдзірае партрэт Асадаў у міжнародным аэрапорце Алепа
Актыўна сьвяткуе падзеньне рэжыму Асада і сырыйская эміграцыя. 8 сьнежня прайшлі некалькі сьвяточных мітынгаў у Эўропе, у тым ліку ў Бэрліне
А гэта сьвяткаваньні прыхільнікаў сырыйскіх паўстанцаў у Бэйруце, Лібан. Прысутнічаюць і турэцкія сьцягі. Турэччына ў асобе свайго прэзыдэнта Рэджэпа Эрдагана даўно падтрымлівала паўстаньне супраць Асада
Курды не зьяўляюцца прыхільнікамі ісламістаў, маюць свае сілы і свае погляды на змаганьне ў вайне. Але 8 сьнежня таксама сьвяткуюць падзеньне рэжыму Асада. На здымку курд са сьцягам Загонаў народнай абароны каля аэрапорту Камішлі на паўночным-усходзе Сырыі.
Парад паўстанцаў сустрэў гучную падтрымку жыхароў Хомсы
Партрэты Рухалы Хамэйні, аяталы Алі Хамэнэі, генэрала Касэма Сулеймані і забітага ў верасьні кіраўніка «Хэзбалы» Хасана Насралы ў разрабаванай іранскай амбасадзе ў Дамаску
Жанчына крычыць ад радасьці пасьля навіны пра падзеньне рэжыму Асада. Хомс
Жыхары Хомсу на Гадзіньнікавай плошчы
Вяртаньне сырыйскіх уцекачоў у родны горад пасьля весткі пра падзеньне рэжыму Асада
Нага жыхара Сырыі на адбітай з помніка галаве Хафэза Асада, заснавальніка дынастыі і бацькі Башара.