“Газета Слонімская” — апошняе масавае незалежнае грамадзка-палітычнае выданьне ў Гарадзенскай вобласьці. Яе наклад складае трохі больш за 7 тысяч асобнікаў. Газэту, як і іншыя незалежныя выданьні, адмовіліся прадаваць у шапіках “Белсаюздруку”, “Белпошта” не падпісвае на яе, а гарадзенская абласная друкарня з новага году не працягнула дамову на друк. Мясцовы райвыканкам сваім рашэньнем забавязаў прадпрымальнікаў узгадняць пералік продажу друкаванай прадукцыі з ідэалягічным аддзелам.
Тым ня менш, журналісты здолелі наладзіць альтэрнатыўную падпіску ў самой рэдакцыі, стварылі ўласную сетку распаўсюду праз індывідуальных прадпрымальнікаў, і дагэтуль “Газета Слонімская” друкуецца ў менскай недзяржаўнай друкарні, а не за межамі краіны.
Аднак за апошнія месяцы рэдакцыя страціла амаль палову гандлёвых пунктаў, дзе рэалізоўвалі газэту. Галоўны рэдактар Віктар Валадашчук распавядае, што прадпрымальнікам загадваюць не прадаваць “Газеты Слонімскай”:
(Валадашчук: ) “Нашы чытачы распавядалі пра сытуацыю, сьведкамі якой самі зьяўляліся, калі чыноўнік ультыматыўна патрабаваў ад прадпрымальніка, каб больш ня бачыў у ягоным кіёску ў продажы “Газеты Слонімскай”. Адзін з прадпрымальнікаў, які прадаваў больш за шэсьцьсот асобнікаў газэты, так і сказаў: што я магу зрабіць, калі ад мяне патрабуюць, каб я не прадаваў вашу газэту. Хаця яму гэта было выгадна”.
Рэдактар адзначыў, што па зьнікненьні ягонай газэты з прылаўку празь некаторы час на гэтым жа месцы зьяўляецца дзяржаўная “раёнка”.
Кіраўнік аддзелу гандлю і бытавых паслугаў Слонімскагага райвыканкаму Ігар Трафімовіч абвяргае той факт, што ён цісьне на прадпрымальнікаў. Зь ягоных словаў, ён кіруецца законам:
(Трафімовіч: ) “У адпаведнасьці з законам, існуе рашэньне нашага выканкаму. Згодна зь ім, усе пэрыядычныя выданьні, якія прадаюцца, павінны ўзгадняцца з ідэалагічным аддзелам выканкаму. Я ўсіх прадпрымальнікаў трымаць у галаве не магу”.
Тым ня менш, журналісты здолелі наладзіць альтэрнатыўную падпіску ў самой рэдакцыі, стварылі ўласную сетку распаўсюду праз індывідуальных прадпрымальнікаў, і дагэтуль “Газета Слонімская” друкуецца ў менскай недзяржаўнай друкарні, а не за межамі краіны.
Аднак за апошнія месяцы рэдакцыя страціла амаль палову гандлёвых пунктаў, дзе рэалізоўвалі газэту. Галоўны рэдактар Віктар Валадашчук распавядае, што прадпрымальнікам загадваюць не прадаваць “Газеты Слонімскай”:
(Валадашчук: ) “Нашы чытачы распавядалі пра сытуацыю, сьведкамі якой самі зьяўляліся, калі чыноўнік ультыматыўна патрабаваў ад прадпрымальніка, каб больш ня бачыў у ягоным кіёску ў продажы “Газеты Слонімскай”. Адзін з прадпрымальнікаў, які прадаваў больш за шэсьцьсот асобнікаў газэты, так і сказаў: што я магу зрабіць, калі ад мяне патрабуюць, каб я не прадаваў вашу газэту. Хаця яму гэта было выгадна”.
Рэдактар адзначыў, што па зьнікненьні ягонай газэты з прылаўку празь некаторы час на гэтым жа месцы зьяўляецца дзяржаўная “раёнка”.
Кіраўнік аддзелу гандлю і бытавых паслугаў Слонімскагага райвыканкаму Ігар Трафімовіч абвяргае той факт, што ён цісьне на прадпрымальнікаў. Зь ягоных словаў, ён кіруецца законам:
(Трафімовіч: ) “У адпаведнасьці з законам, існуе рашэньне нашага выканкаму. Згодна зь ім, усе пэрыядычныя выданьні, якія прадаюцца, павінны ўзгадняцца з ідэалагічным аддзелам выканкаму. Я ўсіх прадпрымальнікаў трымаць у галаве не магу”.
