Расейскі «Росатом» прадае сваю долю ва ўранавых радовішчах у Казахстане кампаніям, якія належаць Кітаю. Гэта адбываецца ў той момант, калі сярэднеазіяцкая краіна імкнецца пазбегнуць міжнародных санкцый супраць актываў, зьвязаных з Расеяй. Падзеі зьяўляюцца прыкметай росту ўплыву Кітая ў рэгіёне.
«Казатампрам», найбуйнейшы ў сьвеце вытворца ўрану, абвясьціў, што Uranium One Group — падразьдзел «Расатаму» — прадаў сваю долю ў 49,98% рудніка «Зарэчнае» ў Туркестанскай вобласьці кампаніі Astana Mining Company, якая належыць кітайскай дзяржаўнай кампаніі, якая займаецца распрацоўкай ядзернага ўрану.
«Казатампраму» належаць 49,99% акцый прадпрыемства.
Старшыня «Казатампраму» Меіржан Юсупаў заявіў The Financial Times у верасьні, што санкцыі, уведзеныя супраць Расеі за яе ўварваньне ва Ўкраіну, ускладняюць продаж урану заходнім пакупнікам.
ГЛЯДЗІЦЕ ТАКСАМА: У «Росатаме» разглядаюць варыянт будаўніцтва на поўдні Беларусі другой АЭС ГЛЯДЗІЦЕ ТАКСАМА: Як расейская дзяржкарпарацыя рэклямавала атамную энэргетыку дзецям у Менску