1. «Вандроўка»
Гэта адрыўны каляндар, які дапаможа «падарожнічаць» па Беларусі і старонках беларускай гісторыі. З вокладкі вітаюць Янка Купала і Францішак Скарына. Усярэдзіне можна знайсьці 50 архітэктурных і прыродных славутасьцяў Беларусі зь цікавымі фактамі пра іх, біяграфіі і выказваньні вядомых беларусаў. На некаторых старонках можна будзе разгадаць крыжаванку і скласьці зь літар беларускія словы. Аўтары таксама прапануюць адзначыць мясьціны, якія чалавек наведаў, кнігі, якія чытаў, і людзей, чыю біяграфію ведае.
Цана календара 65 рублёў. Яго можна замовіць у Беларусі праз інтэрнэт.
2. «Лёгкая мова»
Гэта адрыўны каляндар-слоўнік у падарункавай скрынцы. Кожны дзень ён прапануе новае беларускае слова. На кожнай старонцы — каляровая карцінка, слова на беларускай мове, яго пераклад на расейскую мову і прыклад з мастацкай літаратуры. Каляндар можна прымацаваць да стала або да сьцяны. У камплект уваходзяць два магніты, каб замацаваць абраныя старонкі на лядоўню. Цана 65 рублёў.
3. «АчМурэнны»
Гэта настольны адрыўны каляндар. У ім карыстальнік знойдзе 365 цікавостак: вершы, жарты, прымаўкі, матывацыйныя цытаты і афарызмы на беларускай мове. Каляндар укладзены ў кардонную падарункавую скрынку. Ён выйшаў у выдавецтве «Папуры». Цана 52 рублі.
ГЛЯДЗІЦЕ ТАКСАМА: У інтэрнэце прапанавалі беларусам ствараць Народны электронны каляндар падзей4. «Францішак Скарына ў Вільні»
Гэта насьценны каляндар на спружыне. Яго выдалі да 500-годзьдзя выданьня скарынаўскага «Апостала» ў выдавецтве «Тэхналогія».
«Апостал» — гэта першая дакладна датаваная кніга, якую выдалі ў Вільні. На старонках календара карыстальнікі знойдуць калекцыю выяваў, зьвязаных зь першадрукаром, ад жывапісу і скульптуры да марак і манэт. Цана 21 рубель.
5. «Беларускія народныя строі»
Гэта насьценны каляндар на спружыне. На кожнай старонцы — фота сучасных беларусак у традыцыйных строях. Усяго 12 каляровых выяваў. Каляндар выйшаў у выдавецтве «Тэхналогія». Набыць яго можна толькі па перадзамове. Цана 15 рублёў.
ГЛЯДЗІЦЕ ТАКСАМА: На ініцыятыву ГУБАЗіКа ў Беларусі прызналі «экстрэмісцкімі» кнігу Бахарэвіча, нумары часопіса «Наша гісторыя» і каляндар6. «Мая нябачная Беларусь»
Гэта насьценны каляндар на спружыне. На кожнай старонцы карыстальнікі знойдуць малюнкі архітэктурных каштоўнасьцяў Беларусі.
Сярод іх палац Сапегаў, касьцёл і кляштар дамініканцаў у Дзярэчыне, высокая сынагога ў Дуброўне, касьцёл Унебаўзяцьця Дзевы Марыі і кляштар кармэлітаў у Бялынічах, кальвінскі збор у Койданаве, Траецкая царква на Пескаваціку ў Віцебску, касьцёл Сьвятога Францыска Ксавера і калегіюм езуітаў у Магілёве, касьцёл Сьвятой Тарэсы ў Астрыне, палац Абуховічаў у Сваятычах, вялікая сынагога ў Ваўкавыску, мячэт у Даўбучках, касьцёл Сьвятога Станіслава ў Маляцічах, палац Сьлізьняў у Новадзявяткавічах.
Каляндар выйшаў у выдавецтве «ПрофПрэс». Цана 18 рублёў.
7. «Родны край»
Гэта адрыўны каляндар. У ім можна знайсьці юбілейныя даты, зьвязаныя зь вядомымі беларусамі, старажытныя беларускія міты, парады па ўмацаваньні здароўя, правільным харчаваньні, гігіене, спорце, інфармацыю ад псыхолягаў, вірусолягаў, пэдагогаў, садаводаў, жыцьцёвыя і побытавыя парады, рэцэпты народнай мэдыцыны і беларускай кухні.
На старонках календара ёсьць таксама вершы Якуба Коласа, Янкі Купалы, Максіма Багдановіча, Валянціна Таўлая, Уладзімера Дубоўкі, Цішкі Гартнага, Янкі Журбы, Пятра Глебкі, Язэпа Пушчы.
Ён выйшаў у выдавецтве «Беларусь». Цана 10,50 рубля.
8. «Мяккая архітэктура»
Гэта насьценны каляндар на спружыне. У ім карыстальнік знойдзе малюнкі мастака Міхаіла Дайлідава. Каляндар прызначаны для людзей, старэйшых за 18 гадоў. Ён выйшаў у выдавецтве «Тэхналёгія». Цана 19,90 рубля.
9. «Беларускі каляндар»
Гэта насьценны каляндар. Яго ўжо трэці год рыхтуе беларуска-нямецкая культурная асацыяцыя KuB. У ім — цытаты дванаццаці беларускіх аўтараў, у тым ліку Юліі Цімафеевай, Евы Вежнавец, Андрэя Хадановіча, Веры Бурлак, Аляксандра Чарнухі. Ёсьць варыянты на беларускай і нямецкай мовах.
«Кожны месяц, кожная старонка — гэта сустрэча з адным з нашых сучасных беларускіх літаратараў. Каляндар аздоблены аўтарскімі фатаздымкамі, і ў ім пазначаныя ўсе важныя і юбілейныя даты беларускай гісторыі, культуры і літаратуры», — прадстаўляюць свой твор аўтары.
Цана календара 10 эўра.
ГЛЯДЗІЦЕ ТАКСАМА: Заснавальніца беларускага выдавецтва ў Кракаве: «Беларусаў тут вельмі шмат, і яны цудоўныя»10. «Каляндар адаптацыі ў новай краіне»
Гэта каляндар-параднік з 24 старонак. У ім няма дат. Замест месячнай сеткі — прабелы, каб самастойна ўпісаць чыслы і месяцы. Таму пачынаць яго можна ў любы момант.
«Дапаможнік пра малыя, прадуманыя крокі да адаптацыі і камфорту ў новым асяродзьдзі. Падыдзе як для тых, хто плянуе пераезд, так і для эмігрантаў, дапамагаючы ўсталяваць звычкі і сыстэму самападтрымкі», — так аўтары прадстаўляюць свой прадукт.
Адметнасьць гэтага календара — 12 практыкаваньняў, якія маюць дапамагчы адаптавацца да новага жыцьця. Паводле аўтараў, практыкаваньні ўлічваюць базавыя патрэбы чалавека, абапіраюцца на прынцыпы піраміды Маслава. Аўтарка календара — эмігрантка, выкладчыца і дызайнэрка Ханна Мурайда.
Каляндар-дапаможнік выйшаў у выдавецтве Gutenberg. Яго можна набыць па перадзамове. Цана 50 злотых.
ГЛЯДЗІЦЕ ТАКСАМА: Пяць важных гістарычных датаў штодня. Беларусам прапанавалі стварыць новы онлайн-каляндар