Выданьне называецца «За беларускае жыцьцё», яно прымеркаванае да 10 сьнежня, дня ўхваленьня Сусьветнай дэклярацыі правоў чалавека і другой гадавіны Нобэлеўскай прэміі Алеся Бяляцкага, піша Радыё Рацыя.
Выданьне кнігі стала магчымым дзякуючы супольнай працы трох структур у Беластоку: Беларускага Радыё Рацыя, тыднёвіка беларусаў у Польшчы «Ніва» і Цэнтру грамадзянскай адукацыі «Польшча — Беларусь».
Кніга «За беларускае жыцьцё» пра Алеся Бяляцкага
Зьмест кнігі складаюць размовы Міхася Андрасюка з Алесем Бяляцкім з цыклю «Вочы ў вочы», якія гучалі на Радыё Рацыя; успаміны Алеся Бяляцкага пра музэй Максіма Багдановіча, напісаныя ў турме, — яны друкаваліся на сайце Рацыі; інтэрвію Алеся Бяляцкага, якія гучалі на гэтым радыё; Нобэлеўская прамова Алеся, якую зачытвала ў Осла жонка ляўрэата Натальля Пінчук; апошняе слова Бяляцкага на судзе.
У Бібліятэцы Свабоды выйшлі кнігі «Справа Бяляцкага» (2012), аўтарства Валера Каліноўскага і «Алесь Бяляцкі на Свабодзе» (2023), якую ўклаў Сяргей Навумчык.
Беларускі ПЭН у 2022 годзе выпусьціў кнігу «Алесь Бяляцкі».
ГЛЯДЗІЦЕ ТАКСАМА: У Вільні прэзэнтавалі дзьве кнігі пра нобэлеўскага ляўрэата і палітвязьня Алеся Бяляцкага. ФОТА ГЛЯДЗІЦЕ ТАКСАМА: У Варшаўскім унівэрсытэце прайшла канфэрэнцыя салідарнасьці з Алесем Бяляцкім. ФОТА