Пра гэта пішуць журналісты расейскай службы BBC, якія высьветлілі, куды і зь якімі траўмамі вязуць расейскіх вайскоўцаў з поля баявых дзеяньняў.
Зь першых дзён вайны параненыя расейскія салдаты і афіцэры паступалі ў шпіталі ў рэгіёнах, якія мяжуюць з Расеяй, у асноўным у Белгарадзкую вобласьць. Там вайскоўцаў шпіталізавалі ў тым ліку ў звычайныя лякарні. Журналісты спасылаюцца на копію дакумэнту, якая знаходзіцца ў іх, якая пацьвярджае, што ў белгарадзкай лякарні № 2 праводзілі складаныя нэўрахірургічныя апэрацыі.
Мяркуючы па гэтай даведцы, вайскоўцы, якія знаходзіліся там, ляжалі ў рэанімацыі на апаратах штучнай вэнтыляцыі лёгкіх (ШВЛ) у «цяжкім» і «вельмі цяжкім» стане. У дыягназах — шматлікія аскепкавыя і агнястрэльныя раненьні, у тым ліку галавы, якія патрабуюць трэпанацыі чэрапа для выдаленьня гематом.
BBC паведамляе, што неўзабаве пасьля пачатку вайны ў Пецярбургу і Белгарадзкай вобласьці шукалі донараў для здачы крыві, якой не хапала. Пазьней гэта некалькі разоў абвяргалі, але затым інфармацыя зьяўлялася зноў.
ГЛЯДЗІЦЕ ТАКСАМА: Мінабароны Вялікай Брытаніі: у Расеі вялізныя страты сярод афіцэраў, што вядзе да зьніжэньня эфэктыўнасьці і баявога духуДля ўзмацненьня мэдыцынскага пэрсаналу Фэдэральнае мэдыка-біялягічнае агенцтва пачало адпраўляць у прымежныя расейскія рэгіёны сваіх супрацоўнікаў з усёй краіны, у тым ліку ў лякарні для цывільных. Першыя мэдыкі зьехалі ў Белгарадзкую вобласьць на чацьвёрты дзень вайны.
Вельмі хутка клінікі ВМА, разьлічаныя больш як на 2,5 тысячы ложкаў, перапоўніліся. У першыя тры тыдні вайны не хапала раствораў для кропельніц, харчаваньня для кармленьня праз зонд і аднаразовых катэтараў. Нярэдка лекі і прыстасаваньні зьбіраліся праз валянтэраў.
ГЛЯДЗІЦЕ ТАКСАМА: Расея амаль цалкам кантралюе Луганскую вобласьць і намагаецца выйсьці на адміністрацыйную мяжу ХерсоншчыныГенштаб Расеі толькі двойчы за ўвесь час вайны ва Ўкраіне паведамляў колькасьць сваіх параненых вайскоўцаў: 2 сакавіка, паводле афіцыйных дадзеных, іх было 1 597, 25 сакавіка — 3 825. Расейская служба BBC на падставе паведамленьняў уладаў і сваякоў вайскоўцаў да 30 траўня ўстанавіла дадзеныя 3 052 загінулых.
«Аналітык Conflict Intelligence Team (CIT) Кірыл Міхайлаў у пачатку траўня ацэньваў страты Расеі ў 6 тысяч загінулых. Апошнія дадзеныя Генштабу Ўкраіны — каля 30 тысяч. Зыходзячы з гэтых ацэнак, у расейскія шпіталі магло паступіць ад 7 да 90 тысяч параненых», — піша выданьне.
ГЛЯДЗІЦЕ ТАКСАМА: Генштаб Украіны: Расея перамясьціла пускавыя ўстаноўкі «Іскандэр» у Лунінец Берасьцейскай вобласьціВайна Расеі супраць Украіны
- А 5-й гадзіне раніцы 24 лютага 2022 году кіраўнік Расеі Ўладзімір Пуцін заявіў пра пачатак ваеннай апэрацыі супраць Украіны на Данбасе па просьбе груповак «ДНР» і «ЛНР». 21 лютага падчас тэлезвароту да расейцаў Пуцін назваў так званыя «ДНР» і «ЛНР» незалежнымі дзяржавамі ў межах абласьцей. 22 лютага Савет Фэдэрацыі ратыфікаваў гэтае рашэньне.
- Расейскія войскі атакавалі ў тым ліку з тэрыторыі Беларусі, выкарыстоўваючы лётнішчы, базы і дарогі. Прадстаўнікі рэжыму Лукашэнкі апраўдваюць вайну, яго праціўнікі лічаць тэрыторыю Беларусі акупаванай, многія заклікаюць да супраціву расейскім захопнікам.
- Насуперак заявам Пуціна пра атакі выключна на вайсковыя аб'екты, расейцы бамбяць школы, дзіцячыя садкі і жылыя кварталы ўкраінскіх гарадоў.
- 2 красавіка 2022 году, пасьля вызваленьня гораду Буча пад Кіевам, фотакарэспандэнты апублікавалі дзясяткі фотаздымкаў, на якіх відаць сотні нябожчыкаў, ахвяр масавых забойстваў, учыненых расейскімі войскамі. Многія пахаваныя ў стыхійных брацкіх магілах. Вялікія разбурэньні прынесла расейская акупацыя і Барадзянцы.
- З 24 лютага Расея захапіла толькі адзін абласны цэнтар — Херсон. Расейскія войскі адступілі зь яго і з правабярэжнай часткі Херсонскай вобласьці ў лістападзе 2022 году. Горад быў акупаваны расейскімі войскамі ў першыя дні вайны фактычна без баёў. Увосень 2022 году ўкраінскія войскі правялі маштабны контранаступ, у выніку якога расейскія сілы пакінулі большасьць сваіх пазыцый у Харкаўскай вобласьці.
- Нягледзячы на першапачатковыя заявы Пуціна пра тое, што акупацыя ўкраінскіх тэрыторыяў не ўваходзіць у пляны ўварваньня, 30 верасьня 2022 году была абвешчана анэксія чатырох вобласьцяў Украіны (Данецкай, Запароскай, Луганскай і Херсонскай), у тым ліку і тэрыторыяў, якія Расея не кантралявала.
- 21 верасьня 2022 году Пуцін заявіў пра мабілізацыю ў Расеі. Пасьля гэтай заявы тысячы расейцаў накіраваліся на памежныя пункты і пачалі выяжджаць у Грузію, Казахстан, Армэнію, Манголію, Фінляндыю і іншыя краіны. У самой Расеі праціўнікі вайны падпалілі некалькі вайсковых камісарыятаў.
- У 2023 годзе Лукашэнка і Пуцін заявілі пра разьмяшчэньне ў Беларусі расейскай ядзернай зброі. 13 чэрвеня Лукашэнка сказаў, што частка ядзернай зброі ўжо дастаўлена з РФ у Беларусь. 16 чэрвеня Пуцін таксама заявіў, што першыя ядзерныя зарады ўжо дастаўленыя на тэрыторыю Беларусі, а астатнюю частку перамесьцяць «да канца лета або да канца году».
- 3 верасьня ўкраінскі брыгадны генэрал Аляксандар Тарнаўскі заявіў, што Ўзброеныя сілы Ўкраіны прарвалі першую лінію абароны на запароскім кірунку, на якую расейцы выдаткавалі больш за ўсё рэсурсаў.
- У канцы 2023 і на пачатку 2024 расейцы працягвалі масавыя абстрэлы ўкраінскіх гарадоў: Дніпры, Кіеве, Харкаве, Адэсе і іншых месцах дзясяткі людзей загінулі і атрымалі раненьні. Украінскі бок у адказ абстрэльваў расейскі Белгарад, некалькі чалавек загінулі. Узброеныя сілы дзьвюх краін рэгулярна атакуюць падкантрольныя адна адной тэрыторыі бесьпілётнікамі.
- Агулам з пачатку 2024 году ўкраінскія дроны пашкодзілі 18 расейскіх НПЗ, што прывяло да скарачэньня вытворчасьці амаль на 14%. У сакавіку былі атакаваныя такія абʼекты, як Разанскі НПЗ «Раснафты» і завод «Лукойла» ў Кстове ў Ніжагародскай вобласьці. Абодва ўваходзяць у топ-10 найбуйнейшых НПЗ Расеі і забясьпечваюць бэнзінам Маскву.
- 6 жніўня 2024 году Ўкраіна пачала апэрацыю ў Курскай вобласьці. 19 жніўня прэзыдэнт Украіны Ўладзімір Зяленскі заявіў, што пад кантролем Украіны ў ходзе апэрацыі Ўзброеных сілаў Украіны знаходзяцца 92 паселішчы Курскай вобласьці Расеі. Галоўнакамандуючы Ўзброенымі сіламі Ўкраіны Аляксандар Сырскі ўдакладніў, што такіх населеных пунктаў 82. Улады Ўкраіны заявілі пра стварэньне ваенных камэндатураў і арганізацыі перадачы «гуманітарнай дапамогі ў населеныя пункты, якія знаходзяцца пад кантролем Украіны». Экспэрты Інстытуту вывучэньня вайны, прааналізаваўшы заявы і відэаматэрыялы з геалякацыяй, выказалі меркаваньне, што Ўкраіна кантралюе ў Курскай вобласьці ня ўсю тэрыторыю ў заяўленых межах прасоўваньня.
- 16-18 жніўня ўкраінскія сілы падарвалі тры масты, якія мелі стратэгічнае значэньне для матэрыяльна-тэхнічнага забесьпячэньня групоўкі расейскіх войскаў ва Ўкраіне і вайсковай авіяцыі, якая базуецца ў Курскай вобласьці.
- 17 лістапада Джо Байдэн зьняў абмежаваньні на нанясеньне ўдараў амэрыканскай дальнабойнай зброяй па тэрыторыі Расеі.
- Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, не заўсёды магчымая.