Удава Алега Бябеніна Кацярына ў сваім блогу заклікала спыніць розныя спэкуляцыі вакол сьмерці яе мужа.
Прапануем вам фрагмэнты яе звароту.
“Я удава Алега Бябеніна. Уласна, мне не хацелася і па-ранейшаму не хочацца нічога казаць, але атрыманы ўчора email ад невядомага мне адрасата, у якім утрымліваецца чарговая фантазія на тэму сьмерці майго мужа са спасылкай на нібы атрыманую ад мяне інфармацыю, змушае мяне выказацца, коратка і аднойчы.
Я не ведаю, што, як і чаму адбылося. Я нават не ведаю, калі гэта адбылося: 2 або 3 верасьня. Самае страшнае, што магчыма ніколі і не даведаюся, кожны дзень вяртаючыся да гэтых пытаньняў без адказаў. Няма нічога горш невядомасьці. Матэрыялы праверкі (у частцы, зь якой я знаёма), вядомыя мне факты, дэталі і падзеі тых дзён адназначных адказаў не даюць. Менавіта таму я не хачу нічога казаць: любыя мае словы на тэму «што здарылася», мае сумневы, вэрсіі, думкі будуць толькі здагадкамі, але я ня ведаю ісьціны. У нас з Алегам і са Сьцяпанам была куча плянаў на бліжэйшыя дні і тыдні, але ім не наканавана было спраўдзіцца. І яшчэ, ведаеце, проста вельмі балюча гаварыць.
Ніякія СМІ (друкаваныя, тэлевізійныя, інтэрнэт) не атрымлівалі ад мяне ніякіх камэнтароў, якія тычацца гібелі Алега. Пра тое, што адбылося, я казала толькі і выключна з нашымі з Алегам сябрамі і блізкімі, а таксама з прадстаўнікамі праваахоўных органаў і экспэртамі. Любая інфармацыя са спасылкай на мае словы зь іншых крыніцаў – хлусьня.
Вакол выявілася нечакана шмат чужых людзей, якія прагнуць абмеркаваньняў і сэнсацыйных падрабязнасьцяў. Не, не сяброў – зусім чужых і незнаёмых людзей, якія чамусьці лічаць, што маюць права знайсьці наш хатні тэлефон і патэлефанаваць з пытаньнямі, або прыехаць на нашу дачу «паглядзець усё сваімі вачамі». Я разумею, што трагічная сьмерць чалавека – гэта выдатны інфармацыйны нагода, куды больш пэрспэктыўная, чым навіны аб надвор'і, але прашу: зазірніце ў сябе і паспрабуйце знайсьці хоць нешта чалавечае. Калі ён быў вам блізкі – памятаеце яго, любіце яго, рабіце ўсё для яго памяці. Калі ён быў вам нікім – не рабіце балюча тым, хто памятае і любіць. Жыцьцё – вельмі далікатная штука, якімі б доўгатэрміновымі не былі вашыя пляны на шчасьце. Дастаткова некалькіх сэкундаў, каб жыцьцё назаўсёды падзялілася на «да» і «пасьля». Магчыма, калі-небудзь вы гэта зразумееце, дай Бог – не зразумееце ніколі, таму што такога я не пажадаю нікому. Нікому не пажадаю бачыць раней заўсёды шчасьлівага і вясёлага сына, які ляжыць, згарнуўшыся, і не плача нават, проста ціха скуголіць: «татачка, татачка, татачка ...», і я не магу яму дапамагчы. Алег быў выдатны муж і самы лепшы тата. Кожны вечар, укладваючыся спаць, Сьцёпа казаў: «Тата, я цябе люблю. Мама, я цябе люблю. Як добра, што вы ў мяне ёсьць ». Зараз таты няма, але мы са Сьцёпам па-ранейшаму кажам адзін аднаму, як мы яго любім, і становіцца ледзь-ледзь лягчэй, як быццам тата зноў з намі, проста мы яго не бачым.
Калі назаўжды сыходзіць блізкі чалавек, ты раптам выяўляеш, колькі ня сказанага, не пачутага, не пазнанага ён панёс з сабой, і ўсё гэта ўжо не сказаць, не пачуць і не пазнаць ніколі. Вельмі хочацца, каб не было так балюча. Хоць бы на пяць хвілін, на хвіліну атрымаць перадышку і мець магчымасьць паглядзець па баках з той ціхамірнасьцю, якая была ў мяне раней. На сьнег, на сонца, на дзяцей, якія шпацыруюць з татамі. Магчыма, калі-небудзь змагу. Можа быць, не змагу ніколі, але я з кожным днём спрабую вучыцца цярпець...”
Цела заснавальніка апазыцыйнага сайту «Хартыя-97» Алега Бябеніна было знойдзенае ў пятлі на ягоным лецішчы пад Менскам 3 верасьня. У міліцыі ад самага пачатку разглядалі вэрсію аб самагубстве ў якасьці асноўнай. Да праверкі абставінаў сьмерці журналіста прыцягваліся экспэрты АБСЭ. У падрыхтаваным імі заключэньні сказана: вынікі ўскрыцьця і рэчавыя доказы, сабраныя на месцы здарэньня, „ясна сьведчаць, што прычынай сьмерці стала самазабойства праз павешаньне“. Шматлікія калегі і сябры журналіста, у тым ліку кандыдат на прэзыдэнта Беларусі Андрэй Саннікаў, у чыю каманду ўваходзіў Бябенін, з вэрсіяй самазабойства не згодныя.». Пракуратура Мінскай вобласьці правядзе дадатковую праверку па справе Алега Бябеніна. Яе мэта — вызначэньне матываў самагубства журналіста.
Прапануем вам фрагмэнты яе звароту.
“Я удава Алега Бябеніна. Уласна, мне не хацелася і па-ранейшаму не хочацца нічога казаць, але атрыманы ўчора email ад невядомага мне адрасата, у якім утрымліваецца чарговая фантазія на тэму сьмерці майго мужа са спасылкай на нібы атрыманую ад мяне інфармацыю, змушае мяне выказацца, коратка і аднойчы.
Вакол выявілася нечакана шмат чужых людзей, якія прагнуць абмеркаваньняў і сэнсацыйных падрабязнасьцяў. Не, не сяброў – зусім чужых і незнаёмых людзей, якія чамусьці лічаць, што маюць права знайсьці наш хатні тэлефон і патэлефанаваць з пытаньнямі, або прыехаць на нашу дачу «паглядзець усё сваімі вачамі
Ніякія СМІ (друкаваныя, тэлевізійныя, інтэрнэт) не атрымлівалі ад мяне ніякіх камэнтароў, якія тычацца гібелі Алега. Пра тое, што адбылося, я казала толькі і выключна з нашымі з Алегам сябрамі і блізкімі, а таксама з прадстаўнікамі праваахоўных органаў і экспэртамі. Любая інфармацыя са спасылкай на мае словы зь іншых крыніцаў – хлусьня.
Алег быў выдатны муж і самы лепшы тата. Кожны вечар, укладваючыся спаць, Сьцёпа казаў: «Тата, я цябе люблю. Мама, я цябе люблю. Як добра, што вы ў мяне ёсьць
Калі назаўжды сыходзіць блізкі чалавек, ты раптам выяўляеш, колькі ня сказанага, не пачутага, не пазнанага ён панёс з сабой, і ўсё гэта ўжо не сказаць, не пачуць і не пазнаць ніколі. Вельмі хочацца, каб не было так балюча. Хоць бы на пяць хвілін, на хвіліну атрымаць перадышку і мець магчымасьць паглядзець па баках з той ціхамірнасьцю, якая была ў мяне раней. На сьнег, на сонца, на дзяцей, якія шпацыруюць з татамі. Магчыма, калі-небудзь змагу. Можа быць, не змагу ніколі, але я з кожным днём спрабую вучыцца цярпець...”
Цела заснавальніка апазыцыйнага сайту «Хартыя-97» Алега Бябеніна было знойдзенае ў пятлі на ягоным лецішчы пад Менскам 3 верасьня. У міліцыі ад самага пачатку разглядалі вэрсію аб самагубстве ў якасьці асноўнай. Да праверкі абставінаў сьмерці журналіста прыцягваліся экспэрты АБСЭ. У падрыхтаваным імі заключэньні сказана: вынікі ўскрыцьця і рэчавыя доказы, сабраныя на месцы здарэньня, „ясна сьведчаць, што прычынай сьмерці стала самазабойства праз павешаньне“. Шматлікія калегі і сябры журналіста, у тым ліку кандыдат на прэзыдэнта Беларусі Андрэй Саннікаў, у чыю каманду ўваходзіў Бябенін, з вэрсіяй самазабойства не згодныя.». Пракуратура Мінскай вобласьці правядзе дадатковую праверку па справе Алега Бябеніна. Яе мэта — вызначэньне матываў самагубства журналіста.