Хроніка захворваньнях на грып і ВРВІ ў Беларусі. Статыстыка, фатаздымкі і фотарэпартажы з аптэк, шпіталёў і паліклінік. Меркаваньні мэдыкаў і чыноўнікаў.
27 лістапада
Паводле афіцыйнай інфармацыі за дваццаць дзён сёлетняга лістападу пнэўманію выявілі ў 1885 жыхароў Магілёўшчыны. Летась жа за 10 месяцаў такі дыягназ быў пастаўлены 4777 хворым.
Гомельшчына: на грып хварэў альбо хварэе кожны дзясяты.
У Беларусі колькасьць пацьверджаных выпадкаў захворваньня на грып A/H1N1 цяпер складае 179, гэта на 14 больш, чым тыдзень таму. З прычыны эпідэміі грыпу застаюцца закрытымі 238 школаў. Сярод хворых амаль 60% дарослых і 40% — дзеці.
23 лістапада
Вядучы спэцыяліст НДІ пульманалёгіі і фтызіятрыі, які непасрэдна займаецца кансультаваньнем цяжкіх выпадкаў запаленьняў лёгкіх, распавёў Радыё Свабода, у чым асаблівасьці пнэўманіі, якая выклікаецца вірусам сьвінога грыпу.
У Бабруйску лябараторна пацьверджаны адзін выпадак захворваньня на грып (A/H1N1). На Магілёўшчыне ўжо 25 выяўленых выпадкаў хваробы на выяўлены высокапатагенны грып (A/H1N1). За пятнаццаць дзён лістапада (з 2 па 17) на Гомельшчыне захварэлі на грып і вострыя вірусныя інфэкцыі звыш 129 тысяч чалавек, альбо блізу 9 адсоткаў усяго насельніцтва.
Чыноўнікі ад мэдыцыны па-ранейшаму сьцьвярджаюць, што захворвальнасьць на вірусныя інфэкцыі ў Беларусі пайшла на спад. Але пульманалягічныя аддзяленьні запоўненыя хворымі на пнэўманію. А Міністэрства аховы здароўя дае рэкамэндацыі па лячэньні. За подпісам першага намесьніка міністра аховы здароўя Роберта Часнойця ва ўстановы разасланы ліст, у якім паведамляецца, што вірус A/H1N1 “адчувальны да таміфлю і рэзыстэнтны (то бок не адчувальны — рэд.) да рэмантадыну”.
На афіцыйным сайце Міністэрства аховы здароўя зьявіўся чарговы прэс-рэліз, у якім фігуруе лічба, што “за пэрыяд маніторынгу, з траўня 2009 году, у Беларусі зарэгістравана 165 выпадкаў захворваньня на пандэмічны грып A/H1N1”. Міністэрства аховы здароўя Беларусі прыняло рашэньне перанесьці на вясну 2010 году рэспубліканскі зьезд фармацэўтаў, які меўся адбыцца 23-24 лістапада ў Віцебску
У Берасьці ад пнэўманіі памерла 21-гадовая жанчына. У вёсцы Хатынічы ад раптоўнай пнэўманіі памерлі дзьве жанчыны. У вёсцы Малыя Круговічы Ганцавіцкага раёну ахвярай грыпу стаў мужчына.
Дадзеныя за апошні тыдзень паводле Сусьветнай арганізацыі здароўя\Эўропа
У Менску памерла расейская кінарэжысэрка, якая хварэла на грып. Мэдыкі настойваюць на тым, каб вакацыі ў менскіх школах працягнулі да 15 лістапада. Лекар-рэаніматоляг: "Асаблівасьць эпідэміі ў тым, што ў асноўным хварэюць на пнэўманію і паміраюць ад пнэўманіі людзі маладыя, у веку 25—35 гадоў безь цяжкіх спадарожных хвароб. І гэтая зьява характэрная для вірусу A(H1N1).
У Менску абвешчаная эпідэмія грыпу і ВРВІ. У Магілёве й Бабруйску дзеці ня будуць хадзіць у школу яшчэ тыдзень. “Арпетол” будуць выпускаць кругласутачна.
Спынены заняткі ў 6 школах Гомельскага, Добрускага (3), Акцябрскага й Калінкавіцкага раёнаў. Недахоп марлевых павязак у рэгіёне кампэнсуе абласны псыханэўралягічны шпіталь.
Першая афіцыйна пацьверджаная сьмерць ад сьвінога грыпу ў Беларусі. У менскія шпіталі не пускаюць журналістаў – нават тых, якія працуюць у дзяржаўных медыях. Паводле неафіцыйнай інфармацыі, з мэдработнікаў узялі падпіску аб неразгалошваньні інфармацыі, якая тычыцца захворваньняў на грып.
