На сайце Свабоды прайшла онлайн-канфэрэнцыя з дырэктарам Грузінскай службы Радыё Свабода Давідам Какабадзэ.
СЛУХАЦЬ:
Год таму, камэнтуючы канфлікт вакол Абхазіі і Паўднёвай Асэтыі, Давід Какабадзэ сярод іншага сказаў:
“Расея карае Грузію за яе заходнія памкненьні – за пляны ўступіць у НАТА і эўраатлянтычныя структуры. У 2006 годзе было ўведзенае расейскае эмбарга на грузінскія тавары, і напэўна расейскія ўлады спадзяваліся, што Грузія ня выжыве эканамічна, калі страціць расейскі рынак – найвялікшы рынак для Грузіі. Гэтага ня здарылася, і яны, напэўна, былі гэтым расчараваныя. Грузінская эканоміка, паводле ўсіх міжнародных ацэнак, разьвівалася нармальна, так што эмбарга не дало для Расеі ніякіх вынікаў. Прайшлі месяцы, і стала відавочна, што Грузія здольная выжыць як дзяржава, як краіна, яна ўсталявала і нават умацавала эканамічныя сувязі з заходнімі краінамі. У прынцыпе Грузія так ці так мусіла гэта зрабіць – і гэта былі станоўчыя наступствы расейскага эмбарга”.
Прачытаць тэкст онлайн-канфэрэнцыі можна ТУТ.