Артур Клінаў – пісьменнік, мастак, галоўны рэдактар часопіса pARTisan, аўтар фотаальбому “Горад Сонца” і кнігі “Малая падарожная кніжка па Горадзе Сонца”.
Новы раман Артура Клінава “Шалом” распавядае пра бэрлінска-варшаўска-менска-магілёўскія прыгоды беларускага мастака. Ён набыў антыкварную кайзэраўскую каску, уздзеў яе на голаў і катэгарычна адмаўляецца здымаць абнову. Так у ёй і вандруе цераз межы-мытні з Эўропы дамоў. Натуральна, што прыгодаў у такім выглядзе ды яшчэ на добрым падпітку мае з коптурам.
Сюжэт твору прадыктаваў фармат прэзэнтацыі, кажа арт-дырэктар кнігарні “логвінаЎ” Павал Касьцюкевіч.
“Нас чакае продаж раману “Шалом” і з гэтым зьвязаныя прызы пакупнікам. Ладная частка іх будзе датычная да, так бы мовіць, спірытусовых падзеяў – чаркаваньне з аўтарам, брудэршафт і падарункі ў выглядзе сьпіртовых напояў і іншае”.
Рэшта прызоў таксама небанальная, зазначае спадар Касьцюкевіч:
“Там ёсьць яшчэ акуляры Валянціна Акудовіча і ўсякія брашуркі савецкай пары досыць такія пацешныя. Так што ня варта гэта ўсё зьвязваць выключна з алькаголем – гэта такая арт-прэзэнтацыя”.
Прызы чакаюць першых пяцьдзесят пакупнікоў новага раману Артура Клінава. Астатніх – істотная зьніжка кошту твора, які, дарэчы цягам лютага” будзе прадавацца па зьніжаным кошце выключна ў кнігарні “логвінаЎ”.
Пачатак імпрэзы ў кнігарні “логвінаЎ”, што месьціцца ў сталічнай галярэі “Ў”, а 15 гадзіне.
Новы раман Артура Клінава “Шалом” распавядае пра бэрлінска-варшаўска-менска-магілёўскія прыгоды беларускага мастака. Ён набыў антыкварную кайзэраўскую каску, уздзеў яе на голаў і катэгарычна адмаўляецца здымаць абнову. Так у ёй і вандруе цераз межы-мытні з Эўропы дамоў. Натуральна, што прыгодаў у такім выглядзе ды яшчэ на добрым падпітку мае з коптурам.
Сюжэт твору прадыктаваў фармат прэзэнтацыі, кажа арт-дырэктар кнігарні “логвінаЎ” Павал Касьцюкевіч.
“Нас чакае продаж раману “Шалом” і з гэтым зьвязаныя прызы пакупнікам. Ладная частка іх будзе датычная да, так бы мовіць, спірытусовых падзеяў – чаркаваньне з аўтарам, брудэршафт і падарункі ў выглядзе сьпіртовых напояў і іншае”.
Рэшта прызоў таксама небанальная, зазначае спадар Касьцюкевіч:
“Там ёсьць яшчэ акуляры Валянціна Акудовіча і ўсякія брашуркі савецкай пары досыць такія пацешныя. Так што ня варта гэта ўсё зьвязваць выключна з алькаголем – гэта такая арт-прэзэнтацыя”.
Прызы чакаюць першых пяцьдзесят пакупнікоў новага раману Артура Клінава. Астатніх – істотная зьніжка кошту твора, які, дарэчы цягам лютага” будзе прадавацца па зьніжаным кошце выключна ў кнігарні “логвінаЎ”.
Пачатак імпрэзы ў кнігарні “логвінаЎ”, што месьціцца ў сталічнай галярэі “Ў”, а 15 гадзіне.
